Ramadan

عساكم من عواده ومبارك عليكم الشهر

ورمضان هالسنه مميز مادري ليش.. عندي احساس يقول جذيه

رمضان السنه اللي فاتت مر وخلص وما حسيت فيه، لكن هالسنه غير

عموماً احس ماراح يصير شي بالأخير وبكون مثل كل سنة لول

كل عام وانتوا بألف خير وعساكم تعودونه كل سنه وهاااااااابي قرقيعان

the new iPod(s)

خلص مؤتمر أبل اليوم، وطلعوا لنا 3 انواع يديدة

iPod Touch
واللي هو نفس الآي-فون لكن بدون ميزة الاتصال وتقدر تشبك فيه بالواي فاي ودخول الانترنت

iPod Classic

واللي هو نفس الآيبود فيديو لكن غيروا اسمه وعدلوا فيه شوي من ناحية الوزن والسمك، وفيه منه حجم 160 جيجا

iPod Nano
واللي هو بديل الآيبود نانو القديم، اليديد تقدر تشوف فيه فيديو

فيه بعد معلومات كثيرة حول المؤتمر في موقع أبل، اخبار عن الآي-تونز وتقليل سعر الآي-فون ومعلومات عن المينيو اليديدة للآيبودات.

www.apple.com

غلاك

غلاك مو كلمة ولا جملة تنقال

غلاك شي بالوجدان

تسألني كيف اغليك؟

قولي وشلون كلماتي تكفيك؟

انت عالبال دايم وخيالك بالقلب ساكن

احبك وهذا حالي كل يوم اعيشه

تدري اسأل نفسي كل مرة اذكرك فيها

ليش يا قلبي حبيته؟ ليش خنت اللي بينا

ترى حبيبنا ناسينا ما يدري عنا

لكن اذا يا قلبي هذة خيانتك واللي فيها فيها

فاعلم ان خيانتك احلى شي بحياتي عشته

خيانه حب وشوق وكره وبعد عنك يا غالي

عمر كله ماله حدود احبك وراح اظل احبك

خلني اسمعها لو مره منك وبتلقاني عبد لحبك

شوف حالي والله مادري وش حالي

ضايع تايه بهالعالم مادري وين اروح

كل ما قلت خلاص قررت انساك

ارجع واقول يمكن يشتاق

تعبت خلاص ما اتحمل اكثر

جفاك صار اكبر مني ما اقدر اصبر اكثر

ما اقول الا يالله صبرني على بعده وقدّرني على نسيانه

خلني اعيش حياتي واكمل بطريجي يمكن ألقالي غيرك يحبني واحبه