Judging people.

هل انت من الناس اللي تحكم على الناس؟
انا اشوفهم -الناس- نوعين، نوع يقول فلان جذيه وفلان جذاك، ونوع يقول "فعل" فلان جذيه، و"فعل" فلان جذاك؟؟

ترى فيه فرق بينهم كبييير.. الاول انت حكمت على الشخص نفسه بينما بالثاني انت حكمت على الفعل وليس الشخص والفعل طبعاً محكوم بالظروف اللي ادت الى حدوثه

انزين هذا الحجي ينطبق علي وعليك وعلى هذاك اللي واقف بعيد، لكن عالكل عالمجتمعات شلون؟

هل ممكن ان نشوف مجتمع اغلبيته من نوعية وحده؟ يعني مجتمع مثل الكويت، صغير والكل يعرف الكل والخبر بساعات تلقاه انتشر
والناس تحكم وتطلع حجي وكلام ماله اول ولا أخر.. تتوقعون الجيل الياي بغير هالشغله فيه؟ ولا خلاص محكوم عالمجتمعات الصغيره "عدم اخذ الراحه" اي انا جذيه اشوفها، اذا الواحد لازم يداري الجتمع بكل حركه وخطوه يسويها علشان الناس لا تحكم عليه والكلام يصب عليه جنه ماي بارد من دريشه بالطابق العاشر.. عيل انت مو ماخذ راحتك

تهقون انا قاعد ابالغ؟

من هنا وهناك.. ونرجع هنا

اهلييين للكل

ما جنها بدلية "اهلين للكل"؟.. يلا مشوا معاي توني راد من الدوام لوول

شلونكم مع اول يوم دوام؟ والله انا كان منييييح كتييير وكتر خير الله
يعني ما توقعت اموري تمشي اوكي من اول يوم.. بس شكله القبسه مو طول عمره قبسه

المهم امس بالليل كنت رايح المطار مع مارشملووه واخوي نجدد الإي-جو
قالنا الموظف نص ساعه وتعالولي تكون جاهزة.. قلنا اوكي شنسوي؟

اول شي لفت انتباهي الزحمة وبعدين وجود عبدالعزيز الاسود وناس لابسين تيشيرتات على صورة فواز الميل
ولا طلعت طيارته توصل بعد نص ساعه بعد لوول شهالصدفه عاد قلنا بننطر نشوف الاستقبال

ادري التصوير مو واضح.. كاميرا 2 ميجا عاد تحملوووووا

إلتموو عليه زين ما اختنق الولد، عاد ياحليله يستاهل.. مع اني ما تابعت البرنامج هالسنه كلش


نغير الموجه ونسألكم شرااايكم بهالقطاوه الكيووووت؟؟


ما ودكم تاكلونهم؟؟
اللي وده بوحده منهم ترى عمرهم شهر ونص
والوحدة تنباع بـ70 دينار بالمحل اللي يم فوتوكينا يم حديقة الشعب


نغير الموجة مرة ثانية ونروح لموضوع ماله علاقة
شفتوا دعاية زين اليديدة مالت الراوتر؟ ترى زين مو احسن مني، شوفوا دعايتي شرايكم؟



وقبل لا اخلص هالبوست، بوريكم شي
مرة شفتوا سمارتيز جذيه شكله؟ حده غريب لما شفته بس طعمة عجيييب هذا
my new comfort food lol
بس يا خوفي اخلصه بسرعه مااااكووو منه =(
يابته لي اياه مارشملووه ما تقصر


وبس هذا اللي عندي لليوم ادري مو وايد.. المرة اليايه بحط اشياء اكثر :)

Lonely Valentine

Happy Valentine

&

This is a song for the lonely




.

Comfort Food

Good Morning

It's 4:35 am now, adry shemga3idny 9a7?? madree

I just had two weeeeird dreams, w ga3dt minhoum, 7ady daye5 bs I can't go back to sleep.

anyway 9arly sa3a a7awil ared anam, mu gadr!!! efffff, fa getl anzil el ma6ba5 ashof shai akla (Duh!) 3ad 67etly corn flakes (nou3 Trix elle kella alwan, 7da mal yahal ;P~).... et9adgoun? ert7t shwai!!

chan 3ala 6oul i googled comfort food, I quoted this from wikipedia:

Comfort food is typically inexpensive, uncomplicated, and easy to prepare. Many people turn to comfort food for familiarity, emotional security, or special reward^{[citation needed]}. The reasons a dish becomes a comfort food are diverse but often include pleasant associations of childhood^{[citation needed]}. Small children often seem to latch on to a specific food or drink (in a way similar to a security blanket) and will repeatedly request it in high stress situations. Adults eat comfort food for a sense of continuity.

Comfort foods are typically composed largely of simple or complex carbohydrate, such as sugar, rice, refined wheat, and so on.

So what's ur comfort food??

Recommendations

السلاااام

عندي عادة مع بداية كل عطلة اطلب لي طلبية من النت (اغلبهم اذا مو كلهم من امازون) تكون كتب وافلام

عاد هالمرة محتار باللي طالبهم، بالنسبة للأفلام انا سنه 2007 من اقل السنين اللي تابعت فيها السينما فراح تكون كمية الافلام اكثر من الكتب فاللي عنده اقتراحات عاللي بكتبهم او عنده كتب ولا افلام حلوه ياليت يكَمِنتلي تحت < يايه من كلمة كومنت
واذا تبون تدخلون صفحة الفيلم في امازون، ضغطوا عالاسم يوديكم على طول هناك


Away From Her - 2006


Notting Hill - 1999
تخيلوا اني للحين موشايفه =(


Reign Over Me - 2007


The Namesake - 2007
هذا الفلم الكاست اللي فيه كله هندي من مخرج إلى ممثلين، لكن احداثة في امريكا واللغة في الفلم انجليزية
من الافلام اللي
underrated
وبقوة السنه اللي فاتت



Sunshine - 2007
خيال علمي واعتقد انه احسن فلم خيال علمي السنه اللي فاتت، شنو فيه غيره؟



الكتب اللي ناوي اخذهم

Sleep Toward Heaven
By: Amanda Eyre Ward

قريت لها كتاب اسمه
How to be lost
و وايد عجبني من طريقة سردها للرواية الى اسلوبها اللي كان يخليك تتخيل كل شي لأنها قاعده تشرحه بطريقة واايد بصرية
وتخليك تشوف القصة من اكثر من زاوية ومنظور

The Namesake
By: Jhumpa Lahiri

انا عرفت الفيلم قبل الرواية، لكن عادتي ما اشوف الفلم الا وانا قاري الرواية قبله او بعده

Some Things That Stay
By: Sarah Willis

من زمان عندي هالكتاب بالكارت في امازون، مادري منو نصحني فيه، احد قاريه؟

شيكاغو
الكاتب: علاء الاسواني

قريت له عمارة يعقوبيان قبل لا اشوف الفلم واثنينهم اعجبوني وايد، احد قرا روايته اللي بعدها؟

فيرتيجو
الكاتب: أحمد مراد

قريت مقابله مع الكاتب في الجريدة قبل يومين، وشدني غلاف الكتاب وكلمة "رواية سينمائية" ما عرف شي عن الرواية او حتى الكاتب



شراااااايكم؟ وشنو عندكم كتب ولا افلام تنصحوني اشوفهم او اقراهم؟

بدال العشره اثنعش

اهليييين للمرة الثالثة

اول شي عظم الله اجركم سيفوووه قطوتي مات =( عن عمر يناهز الخمس اشهر وعندي في البيت عشر ايام
والله بجيت لما مات هو من اول ما خذيته وهو مريض وزاد مرضه والتطعيم قالولي بالمستشفى ما يصير الا لما يتعالج
والعلاج مو راضي ياخذه وبالاخير ماااااات ما ياكل ولا يشرب

والله ما يستاهل كان مسوي جووو حتى اخوي الصغير لما رد من السفر اول ما دش البيت قال وين سيف قلت له انحاش خفت اقوله مات يكتئب!
سألته بالمطار قبل لا اقوله انه مات او انحاش شنو اكثر شي كان ودك فيه بالسفر، توقعت يقول انا لوول جان يقول سيفوووه

صج اني مجرم ما كمل معاي 10 ايام ومات صج اكتئب يومها! بس خلاص على قولتهم "توبه من دي النوبه" ما ابي حيوانات من قبل ميت عندنا جاك (قبل سنتين جلبنا) والحين سيفووه بس عاد هذا حطم الرقم القياسي بعشر ايام فنقش.. حشى مقبره حيوانات مو بيت صرنا

شوفوا شكله التوووحفة في هالصورة قبل لا يروح دمعت عيوني وانا اشوف الصورة واتذكر خباله اول يومين من خذيته
حتى عفست الهدوم اللي ورا اهوا سببها المفروض هذول يكونون مرتبين يعني



بدال العشرة اثنعش

والحين نرجع لعنوان موضوعي، اتركم مع الصورة احسن من كلامي احس لو بشرحها عادي اكتب كتاب لووول



شهالملاقة يعني، الحين اذا باخذ 4 تذاكر راح ادفع 12 دينار بدال قبل 10 وخلاص
المشكلة انا ما احب ادفع جذيه اطلع عشره وفوقهم دينارين ولا اعطيه عشرين ويردلي ثمانية << بتقولون معقد اييي معقد لوول شحلاتنا قبل ندفع عشره وخلاص! الحين لا لازم دينارين فوقهم ولا ننطر ردود
وكله صووووووب ويوم الاثنين صووووب ثاني حده لا تعليق

لي رجعه في بوست ثاني قريباً، مادري شنو موضوعها.. تغير المزاج :\