بدال العشره اثنعش


اهليييين للمرة الثالثة

اول شي عظم الله اجركم سيفوووه قطوتي مات =( عن عمر يناهز الخمس اشهر وعندي في البيت عشر ايام
والله بجيت لما مات هو من اول ما خذيته وهو مريض وزاد مرضه والتطعيم قالولي بالمستشفى ما يصير الا لما يتعالج
والعلاج مو راضي ياخذه وبالاخير ماااااات ما ياكل ولا يشرب

والله ما يستاهل كان مسوي جووو حتى اخوي الصغير لما رد من السفر اول ما دش البيت قال وين سيف قلت له انحاش خفت اقوله مات يكتئب!
سألته بالمطار قبل لا اقوله انه مات او انحاش شنو اكثر شي كان ودك فيه بالسفر، توقعت يقول انا لوول جان يقول سيفوووه

صج اني مجرم ما كمل معاي 10 ايام ومات صج اكتئب يومها! بس خلاص على قولتهم "توبه من دي النوبه" ما ابي حيوانات من قبل ميت عندنا جاك (قبل سنتين جلبنا) والحين سيفووه بس عاد هذا حطم الرقم القياسي بعشر ايام فنقش.. حشى مقبره حيوانات مو بيت صرنا

شوفوا شكله التوووحفة في هالصورة قبل لا يروح دمعت عيوني وانا اشوف الصورة واتذكر خباله اول يومين من خذيته
حتى عفست الهدوم اللي ورا اهوا سببها المفروض هذول يكونون مرتبين يعني



بدال العشرة اثنعش

والحين نرجع لعنوان موضوعي، اتركم مع الصورة احسن من كلامي احس لو بشرحها عادي اكتب كتاب لووول



شهالملاقة يعني، الحين اذا باخذ 4 تذاكر راح ادفع 12 دينار بدال قبل 10 وخلاص
المشكلة انا ما احب ادفع جذيه اطلع عشره وفوقهم دينارين ولا اعطيه عشرين ويردلي ثمانية << بتقولون معقد اييي معقد لوول شحلاتنا قبل ندفع عشره وخلاص! الحين لا لازم دينارين فوقهم ولا ننطر ردود

وكله صووووووب ويوم الاثنين صووووب ثاني حده لا تعليق



لي رجعه في بوست ثاني قريباً، مادري شنو موضوعها.. تغير المزاج :\

10 Comers:

AnGlOpHiL said...

لاااا عاد مو صج

والله حرام , صج حبيته..صج شكله وناسه

مو شاك بأحد قتله؟..لا لا ماعتقد الي فبالي يخاف من القطاوه :p

احجز مو موقعهم اريح و مافي ردود..طالع انا شقول ,خل اقول حق نفسي هالحجي لووول

لوول رجاءً فؤاد الغانم اودي..علي الغانم بي ام,ناطرين سوالفك حبوب

kella met2a5er said...

#tham Allah ajrik o ajir g6awat freejkom kiloboohom..mascheen 5nat 7aily ma tehanna ebdenyah ya 5sarat shbaba tawwa...


Tekfa ga6ow..saif, mo rakba kellish!!

marshmallows said...

esma 3ntar >\

o loool tra 3ndi shwai mn 9o'3tk

ahm shai ina kl yom y36onk shai mn el9oo'3a

5roofa said...

هااااااااي

تدري شنو ضاق خلقي على عنتر

و امبي شكثر سالت عنك عن مارشمالو

قعدت احاتيك خيوو صج حسيتك استانست علي وايد

بس عور قلبي ولله
:(

عظم الله اجرك و ما تستاهل والله

طمني عليك خيوو

salamz dear friend...

OutOfReach said...

7raaaaaaaaam wa3lya 3'6am allah ajrek :S

7ada malaqa men zenhom y3ni el movies gedam o0 ne9hm mq63een bsabab o bedon sebab e7na enro7 leesh mako mkan thani :S
uffffffffffff
abi ahajer lol

طعم السُكَر said...

افا مات عنتررررر :'(
im so sad ,he seems cute and full of life
me crying :(
i demand for new cat

Smarties said...

عظم الله اجركم كلكم. حرام والله راح :(
كنت مستانس بوجودة ومسوي جوووو ما تدرون شكثر! غبي غبي غبي بشكل مو طبيعي


anglophil
تصدق انا شاك فيه بعد، لا يكون انت شاك باللي انا شاك فيه :P ??


KM
عيل عاجبك اسمه قبل عنتر والفشل عاد سوزي :P


marshmallows
وين فلم عمارة يعقوبيان؟ ابي اشووووفه!


خروفه
حدي استانست معاه ما تدرين شكثر.. مع ان كلهم 10 ايام كانوا
ولا تحاتيني على قولتهم
still breathing!

طعم السكر
الحين باخذ بريك شوي وبعدين بدورلي قطوه نفسه سيامية نوعها بس ابيها تكون نثيه مو ذكر :)

Futrus said...

والله شي يضيق الخلق =(
من عشر ايام معضوض وبعدها حدك فرحان والحين ميت

new one said...

حدي مستعجله وما قريت البوستات عدل

وصارلي اسبوع مو شابكه ولا مقربه للكمبيوتر

بس بغيت اقولك عظم الله اجرك

انا لو منك ما ابجي عليه بالعكس

انتحر

Smarties said...

futrus
شفت شلوون :(

new one
الحمدلله على السلامة، ومنورة!
اي والله ما يستاهل اليوم مادري ليش اشتقت له =(