زحمة يا دونيااا زحمة

شدعوا الزحمة جذيييه؟؟
يعني الناس ما تطلع الا بالعيد ولا شسالفة؟؟

انا ثاني يوم العيد قاعد في البيت مو مشتهي اطلع، الوضع كئيب وييب القامت في الشارع من الزحمة رحت تشيليز البدع طلبت "تو قوو" مع رفيجي وردينا بيتهم كلينا وبس هذا مشواري الوحيد ثاني يوم العيد، باجي الوقت كنت بالبيت وبيت رفيجي.. والله ابرك من الطلعه!!

اليوم رحت مرينا، ابي اخذ هدية حق عيد ميلاد اخوي باجر بصير عمره 17 سنه (العمر كله ان شاء الله) عاد رحت وانا مادري شاخذ له!! موبايل يديد وعنده واكس بوكس صارت عنده مادري والله شاخذ له؟ عاد قلت اروح اشتري له تي شيرتات عليها كتابات عبيطه واشوف بعد شاخذ له بالطريج وانا اتمشى.. رحت الساعه تقريباً 7 وشي وربعي كانوا هناك بتشي تشي قلت لهم اخلص واييلكم

المهم عاد لما وصلت ولا حزامي انكسرت الحديدة اللي فيه لووول، عاد انا شسوي الحين!! قلت يلا انا رايح مرينا اخذلي واحد، شكلي كان قميص داخل جينز بدون حزام، تحس فيه شي ناقص بس ما راح تستوعب شنو اهوا!! المهم مريت زارا وخذيت واحد ولبسته على طول (اول مرة بحياتي اشتري شي والبسه بالمحل، حده شعوووور!!) المهم تمشيت بمحلين واخذت له 3 تي شيرتات عليهم كتابات عجييبه لوول، واييد نوعه اهوا يحب جذيه. وعاد همن بالطريج شفت نعال حلوه، دقيت على امي اسألها جم مقاس ريوله جان تقولي ماادري!! عاد خذيت له 43 وكيفه عاد اهوا يروح يبدلها اذا كبيرة!! ومريت بعدين محل الكروت اللي بالزاوية بمرينا شسمه؟ رحت دورت كروت وخذيت كرت بعد حده يووووونس!!

خلصت ورحت حق ربعي بتشي تشي، وبعدين عشا (همن المطاعم صايره تلوع الجبد بالزحمة، كلمن داش بويهك وانت تاكل!! ماكو خصوصيه كلش) وبالله كليت وتعشيت! وبعديييين رحت هاربور بالمنطقة الحرة.. كانت موووت برررد داخل تصكصكت من البرد، وتوني راد والجو عجييب بره!!

تبون الصج؟
ماعندي سالفة.. مادري ليش كاتب البوست ودي اسولف وبس يلا تصبحون على خير واللي يقراني الحين ومو بالليل اقوله صباح الخير

edit/update:
this is the cake ;D
mn Al 5abaaz.. 7addha yummy kanat!