نشتري جزر القمر ونفتك


ليش ما نشتري جُزر القمر بسعر رخيص، خلاص طاح سعرها، لأنها خلال 10 سنوات اقل او اكثر راح تغرق.
ونسوي دولة ثانية هناك ونحط قوانين ونبدي من يديد، بلا سياسة، طائفية، قبلية، وحتى بدون مذاهب، مسميات، طبقات.
طبعاً لازم نطلع لنا حل حق سالفة غرقها، ونحلها.
نحط سقالات تشيل الجزيرة معلقه بخيوط من السما كل خيط فيه 100 كيلو بالونات غير قابله للبَط من اي منقار طاير!!

شرايكم؟
ترى خوش فكرة.. ونسميها جُزر القمر بين قوسين الكويت 1.5 علشان ما نمسح تاريخ الجزيرة مرة وحدة.

نقدر مستقبلاً انبوق ابراج الكويت، وبرج التحرير، والافينيوز.. حتى سوق الصفافير ما نخليه، ناخذه ويانا! لأن الكل اهني بكون مشغول بهموم الديره ويبي ينهش من الكيكـ.. اقصد الديره! بُوقتنا ماراح تفرق وايد وياهم، ما راح يدرون عن هوا دارهم!

يلا خل اروح انام، خيالي ماراح يخلص، ويمكن من صج احلم ان شرينا جُزر القمر

5 Comers:

Anoosa said...

okk ana weyaak cham emkaniyatk..
yalla 5alna net8a6a6 w nishtereeha!!
3ad cham el8a6a???

Um Mit3ib said...

LOOOOL i couldnt stop laughing!!! 100 kg balloonat w soog il sifafeer;p et'habel;p

GothyGeekah! said...

hahahahahahaha dude your hilarious

lemon-aid said...

kaaaaaaaaak faj2a? ana mu gaylatlik inro7 failicha?

radiant guy said...

ee yalla o enroo7 en9ayf ehnaaak