hey blogger, reader, and visitors..
adry 9arly fatra mu kateb shy.. bs marait b hal 7ala ely ma 3ndy shy akteba (bs actually I have A LOT 2 say) oo now I guess I'm back oo aby atefalsaf!
imagine that ur ideas, thoughts, inner voice, kel shy ydor fe balek.. kelhom cthe jedamek 3la shakel.. let's say, an object! what would it look like? ur "own" -let's call it- package?
Square, circle, triangle, shy mala shakel mu3ayan? imagine it for a second.. okay?
enzain.. now imagine that life is a line.. a fine line with its ups and downs.. oo enta wagif 3la hal kha6 with ur "package" ely u imagined it gabl shway.. can you move it? keep pushing it through the line and untill the end? will be difficult 2 go through life with ur own "package"?
this is an example:
this is how I imagine life, thoughts, and ppl moving/pushing their packages.
Circles go smoothly/easily through life.. they're flexible. While squares are exhausting, unusual, fehom zawaya 7adda that may hurt the one pushing it! hmmmm now imagine it yourself.. ask yourself and see! mu shar6 da2era oo muraba3.. imagine ur ownself..
shrayekom?
your way of thinking!?
al 6emoo7.. shya3nelik?
شنو رايكم بالطموح؟
شنو كلمة "طموح" تعني لك في قاموس كلماتك ومعجم افكارك؟
Case One:
انا شاب طموحي اكبر اخذ الشهادة الجامعية اتوظف استانس بالمعاش، اتزوج واكون عائلة وبس
Case Two:
انا شاب طموحي اكبر من الشهادة الجامعية والوظيفه، ابي اسوي شي للمجتمع اللي انا فيه.. ابي ارشح نفسي لمنصب سياسي-قيادي
ابي اكون قائد لمجموعه من ناس وأأثر فيهم. وبشكل موازي ابي ايضاً اكون اسره واتزوج
Case Three:
انا شاب عندي ابداع، ابي اطلع ابداعي بعد التخرج وخلال الدراسة بديت بخطوات بسيطة وبعد التخرج راح اركز اكثر عليه.. اكتب، ارسم، انشر، اصور، اشارك، مشروع صغير، وغيره وفي جميع الحالات راح انضم لمجتمع صغير يهتم بإبداعاتي.. وابي اغير نظرة باقي المجمتع للي اسويه
Case Four:
انا شاب عندي قدرة على العطاء، ابي اكمل دراسة ما بعد شهادة البكالوريس واكمل السلم التعليمي لأقصاه وارجع وابدأ اغير تفكير الجيل الشاب الجديد وافيد المجتمع بشهادتي.
Case Five:
انا انسان طموحي مادري شنو اهوا، قاعد اقول ابي وابي وابي لكن فعلياً انا سويت شي؟ لا! وطبعاً انا ما صارحت نفسي بهالفكرة ولا اقبل احد يقولها لي.
Case Six:
انا شاب طموحي.. لحظة!! يا عمي اي طموح؟؟ هالديرة فيها احد يطمح اصلاً؟؟؟ ماكو مافيها شي يساعد
Case Seven:
انا شاب طموحي الوناسة ابي استانس واغير جو واضحك.. شماخذ من الدنيا انا؟
Case Eight:
هذا انت الحين. اسأل نفسك انا ويني بين هالسبعه اللي فوق؟ انا موجود بينهم؟ ولا طموحي مختلف؟ شنو طموحك اصلاً؟
Are You Self-commitment Phobic?
seriously, are you?
ams umii tqolii "ana ma 3indii eradaa, kelish mee7 mako shaii" oo al yoom my friend qal nafs el kelma.. "i find it hard 2 commit to al shaii al fulanii", then i was like.. shfeehom? sh9ayer!!
later el yoom, i came across this article while i was searching about self commitment, bashof shesalfaa.. why is it that hard 2 be self commitment?
"Commitment enables any new change or pattern to become well engrained in our own energy field. Our old patterns took a long time to become established in our mind-body fabric, so sometimes the reason why an old pattern, or an emotional block, is so difficult to shift, is simply because we do not keep up the effort long enough to change it and make that shift happen."
"as you start changing patterns, it impacts the ego or the lower self, and you begin to feel much better about yourself; your self-esteem rises knowing "I can make change happen." Self-commitment and self-esteem are directly related. Another way of raising your self-esteem is to expand your awareness by allowing yourself to learn new hobbies, or by starting new activities which expand your self-awareness zone."
"When we are performing a repetitious task, the brain knows you do not require 'its attention' to protect you. From its perspective this is boring, and since you are not threatened, the brain let's down its guard or barriers and boundaries; and old pattern that are holding us back move out of the way, allowing your intuition to flow even stronger increasing your receptiveness to the process of learning new things, new habits, and new beliefs"
haa.. shraykom? (lol 7asait nafsii M7AMMAD!!)
mu 9a7 9aja eb kel kelmaa qalat'haa..?
yala ppl, try and CHANGE!
tadroon?
awal shaii shraykom fe al shakel el yded 7q el blog? mu 7elw 9a7? wla 7elw? 3adii la ejamlon.. bs gabl la tqolon click on F11 fe al keyboard oo shofow shakla full screen! (shakla a7laa bl full screen :P)
thanii shaii.. 5al arja3 7q elii baqola:
1) mestaw3biin enna mar 21 days lil7een mn 2009!!! is it me wla el kel 7as enna time goes by so faaast!
2) double standards, is it the new trend? wla shesalfa?? okay qelna life is not fair oo cthee.. bs wayd ga3d ashoof el nas 9ayra etmashii 3la nafs'ha 3'air elii tqola oo etmasheeh 3la nas?! should i remind you of what u said before... everytime!!? eshbtqool 3anii, ma ansaa, wla 3afya thakera fiil (Elephant)!
3) i read something gabl shwaii.. 7adaa 3ajabnii, thanks to Khalid-S for it le2na qaraita 3nda, quoted by Frank Outlaw:
Watch your words, they become actions.
Watch your actions, they become habits
Watch your habits, they become character.
Watch your character, they become destiny."
shraykom?
4) al 7ash.. oo ma adrak mal al 7ash!!.. i believe enna el shabab y7shoon akther mn el banat :P madrii bs mako ser yebgaa eb hal deraa!! wallah its rare 2 know someone who can keep a secret! oo el mushkelaa al nas yefhmon 3'ala6 el salfa, aw yzeed 5arabee6 mn 3indaa!!
a9lan why do u care, bl asasan? (ana wa7d i dont care el 9ara7a) oo usually i dont believe ellii el nas tqola 3la elsan 3'airhom! wla its wrong 2 do/think like that?
5) tadroon? (awal marra aqool tadroon m3ana el title tadroon :P) el muhem tadroon shga3d asma3?? MIN 7ABEBE ANA - NAWAL AL ZOUGHBY OO WAEL KFOURY!!
(sha5bariii madrii she6arii e6la3at bl itunes oo 7adii endeemajj! :P)
oo salamatkom!! bs 6ala3t kel elii fe ballii 5alaa9.. thanks! :D
A friend of my friend.. is it possible?
تخيلوا معاي انكم تعرفون شخص عن طريق شخص. اوكي؟
عادي ادق عليه واقوله امش نطلع، بدون لا اتصل على رفيجي اللي اساساً عرفني عليه؟
بتحز بخاطره؟ بيتضايق؟ راح يسكت ويحقد؟ ولا شلون بتكون ردة فعله؟
شنو النظام اللي لازم نمشي عليه علشان ما نخرب علاقة الصداقة الموجودة بين اثنين؟
اذا واحد فيهم عرّف الثاني على احد من طرفة، شلون نتعامل مع الشخص الثالث؟
يعني ترا ماكو كتيب تعليمات يقولنا ترا هذا الشخص عادي تطلع معاه دون اخذ الاذن من احد، بينما لأ هالشخص لأنك تعرفه عليه عن طريق رفيجك ورفيجك انسان تعزه لازم تكلمة اول وتقوله شرايك تييب فلان وياك؟
بالنسبة لي
انا اشوف ان لو الشخص اللي تعرفت عليه كان عن طريق شخص ما امون عليه ذاك الزود وعرفته من خلال مثلاً ديوانية، او عزيمة كبيرة نوعاً ما، عادي اكلمة مباشره. طريقة التعارف اهني كانت بدون تدخل احد.
لكن شخص عرفته عن طريق انسان قريب واعزه ما اقدر اطلع مع هالشخص دون المرور بالانسان اللي اعزه واقول شرايك نسوي جذيه؟ اذا وافق اوكي اكلم الثالث، بس اذا ما قدر عنده عذر او شي، اقوله ان ودي انا اروح مع فلان واشوف ردة الفعل وبعدها اقرر.
تهقون انا قاعد اتفلسف زيادة ولا اللي قاعد اقوله واقع مريتوا فيه؟ شنو رايكم بالموضوع؟
PS: طبعاً الكلام ينطبق على الشباب والبنات مو علشان قلت ديوانية يعني مالكم مكان بالسالفه.
الصراحة المُره
شنو رايك في المجاملة لحد النفاق، والصراحة الجارحه.
ادري هالحالتين شرق وغرب يعني كل وحدة بصووب.. بس شنو تفضل؟
او تفضل الصراحة الجارحه، اللي ممكن تجرح، لكن تظل هي الحقيقه.
ولا تتكلم واللي فيها فيها؟ لأن ممكن يسبب جرح ما يلتئم بسهوله ولا بوقت قصير!
شلون توصل رسالة حق شخص بدون لا تجرحه؟!
Individuality
Stereotypes are bullshit, we’re individuals.
ليش مرات احنا نوزع الناس على كيفنا على مجموعات، هل هذا اسهل في التعامل؟ خصوصاً ان احنا وايد بالاعداد. يعني نسهل العملية على عقولنا، فنوزع الناس اللي نعرفهم او اللي ما نعرفهم بعد الى مجموعات "هذا نوعه جذيه"، "لالا هذيج نفس طقه هالنوع". ما تحسون فيها ظلم هالطريفه في التفكير؟
الشخص اللي امامك اكبر من انك تحصره في جملة تتكون من خمس او عشر كلمات، بالنسبة لي هذة انانية وفيها جزء من السطحية في التفكير
اعط الناس حقهم، او لا تتكلم عنهم ولا حتى من خلال تفكيرك تحصرهم في مجال ضيق
تهقون قاعد اتفلسف زيادة؟ ولا كلامي صح!
هناك خط رفيع
بين الاقناع ومحاولة لفرض الرأي هناك خط رفيع، البعض يتجاهله! وتتحول محاولة يائسة للإقناع إلى طريقة لفرض الرأي وقد تصل احياناً إلى التهجم على الطرف الآخر بطريقة استفزازية، يعني بالكويتي الفصيح "غصب طيب".
النقاش في موضوع معين او اخذ رأي طرف آخر في موضوع شخصي مثلاً، تسمع من خلاله آراء وافكار مختلفه لكن مو بالضروري تقتنع فيها لكنها فرصة حلوه لرؤية الموضوع من زوايا مختلفه او معرفه آراء لم تكن في الحسبان. لكن هل ضروري اتفق معاها او اوافق عليها او حتى أعمل بها؟ لأ..!
سماحي لطرف آخر بالحديث والكلام وابداء رأيه في موضوع شخصي، ما يعني ان كلامة صحيح ولا يعني ان كلامة خطأ ايضاً، كلامة ورأيه راح يعطيني نظرة اخرى للموضوع وممكن توسع مدارك تفكيري، لأن غالباً الشخص اللي يعيش الحالة او اللي يكون داخل الدائرة غير عن الشخص اللي خارج الحالة او خارج الدائرة، نظرته للموضوع تكون اشمل وممكن مختلفه تماماً.
قد يظن البعض ان عدم اقتناعي برأي شخص آخر يعني التقليل من قيمته او احراجه قد تصل احياناً عند بعض البشر التقليل من كرامته!!! على العكس تماماً الرأي والفكر شيئان يجب ان يُقدران لكن مو بالضرورة اقتنع فيهم.
بالنسبة لي، القدرة على التعايش مع اشخاص انت تختلف معهم في الرأي والفكر لكن في نفس الوقت تحترمهم وتحترم هذة الآراء والافكار، عندي هذة قمة "التحضر". وان تستطيع ان تحبهم (هؤلاء الاشخاص الذين تختلف معهم) ويكونون من المقربين لك وتتعامل معهم شبه يومياً مع اختلافك عنهم، هذة عندي قمة "الانسانية"، فأنت هنا فرقت بين قلبك وعقلك ولم تجعل احدهم يسيطر على الآخر.
فأي شخص انت الآن؟ شخص سيطر قلبه على عقله ام عقله سيطر على قلبه؟
نظرة اعمق للمنزل
البشر بالنسبة لي مثل المنازل (او بالكويتي بيوت)، انت ممكن تدخل منزل شخص ما تعرفه ويستقبلك في غرفة الاستقبال (او يمكن دور كامل!)، نفس لما تشوف شخص في اي مكان وتتكلم معاه راح يعطيك الجانب "اللي ابي اعطيك افضل انطباع عني". تخيل معاي انك قاعد تشوف شخصك ما يعرفك ويضّيفك في بيته ويدخلك غرفة الاستقبال وتكون الغرفه "مدَكوِرَه" وشكلها مرتب ونظيف، هل راح تحكم على البيت كله انه جميل؟ يمكن! لأنك لو شفت شخص ثاني راح تقوله بيت فلان مرتب وخوش بيت، مع انك ما شفت باقي البيت حكمت بس على مظهره الخارجي للمنزل والاستقبال فقط! نفس الشي مع البشر، انت تشوف جانب واحد فقط لما تقابلهم ما تشوف باقي الجوانب، مثل البيت تشوف غرفة وحدة ما تشوف باقي الغرف.
ولو ناخذ نظرة لأي منزل، هناك الصالة واللي فيها الشخص ياخذ راحته اكثر شي، بالنسبة للبشر الصالة تمثل انك قاعد تاخذ راحتك مع الشخص اللي معاك وتوريه جانب من شخصيتك ما توريه لباقي الناس، بالصالة تقدر تلبس "بجاما"، تقدر تتمدد بوجود هذا الشخص لكن في الاستقبال لأ، راح تكون اكثر رسمية. هذا الفرق بين الناس اللي تضّيفهم في الاستقبال او في الصالة، نفسه الفرق بين الاشخاص اللي تطيح معاهم الميانه وترتاح لهم وبين الناس اللي تكون اكثر رسمية معاهم وما يعرفونك بشكل عميق.
اضافة للصالة هناك غرفة النوم والحمام والمطبخ والممرات الي تربط ارجاء المنزل، بالقارنه في عالم البشر هناك جوانب متعدده من شخصية الفرد تربطها روابط غير مرئية، تحد بين ظهور شخصيته بكامل شكلها. انت عاد عليك ان تطلق عنانك وتفكر بالاشخاص اللي تعرفهم وتربطهم بتصميم المنزل وشوف هل تعرف تشرحهم وتربطهم ببعض؟
واحده من اهم الغرف في المنزل راح اركز عليها واتكلم عنها شوي اللي هي المخزن، اللي يحتوي على الاغراض الغير مستخدمة واغراض انت بغنى عنها وممكن تحتوي على اشياء انت ما تبي تتذكرها، رميتها بالمخزن على امل نسيانها! نفس الفكرة موجودة عند الانسان في الذاكرة، هناك جزء يحتوي على ذكريات سيئة او ذكريات ما تبي تتذكرها!
يمكن وانت قاعد تقرا هالكلام تقول بينك وبين نفسك "وبعدين؟" "شالفايدة من كل هالكلام؟". اللي ابي اوصل له واوصله لكم ان لما تتعرف على شخص، انت ما قاعد تشوف الصورة كاملة، مثل ما قلت فوق، انت مو قاعد تتمشى بأرجاء المنزل وتكتشف (يمكن تنصدم!) بمحتوى المنزل، ممكن غرفة الاستقبال تكون افضل مافيه البيت ويكون دافع فيها اللي وراه ودونه وباقي البيت كله ولا شي ومو مهتم فيه. ويصير العكس احياناً!
صعب تحكم على اي منزل من غرفه، لكن مرات تصير، لازم تشوفه كله حتى تحكم عليه اذا يعجبك او لأ، اذا يستاهل او لأ، هذا كله وهو بالاخير مجرد منزل، لكن تخيل معاي لما نتكلم عن انسان؟ وانت فقط قاعد تشوف جانب واحد منه، لازم تشوف كل او معظم الجوانب حتى تقدر تعطي كل شخص حقه. اذا المنزل صعب تحكم عليه من غرفة وحده او من المنظر الخارجي فما بالك بالحكم على البشر اللي هم تشكيل اعقد واعمق واوسع من المنزل اللي هو كله كم غرفه على كم طوفه!!
Judging people.
هل انت من الناس اللي تحكم على الناس؟
انا اشوفهم -الناس- نوعين، نوع يقول فلان جذيه وفلان جذاك، ونوع يقول "فعل" فلان جذيه، و"فعل" فلان جذاك؟؟
ترى فيه فرق بينهم كبييير.. الاول انت حكمت على الشخص نفسه بينما بالثاني انت حكمت على الفعل وليس الشخص والفعل طبعاً محكوم بالظروف اللي ادت الى حدوثه
انزين هذا الحجي ينطبق علي وعليك وعلى هذاك اللي واقف بعيد، لكن عالكل عالمجتمعات شلون؟
هل ممكن ان نشوف مجتمع اغلبيته من نوعية وحده؟ يعني مجتمع مثل الكويت، صغير والكل يعرف الكل والخبر بساعات تلقاه انتشر
والناس تحكم وتطلع حجي وكلام ماله اول ولا أخر.. تتوقعون الجيل الياي بغير هالشغله فيه؟ ولا خلاص محكوم عالمجتمعات الصغيره "عدم اخذ الراحه" اي انا جذيه اشوفها، اذا الواحد لازم يداري الجتمع بكل حركه وخطوه يسويها علشان الناس لا تحكم عليه والكلام يصب عليه جنه ماي بارد من دريشه بالطابق العاشر.. عيل انت مو ماخذ راحتك
تهقون انا قاعد ابالغ؟
